【元朗襲擊】黃夏蕙諷剌著衫揀錯顏色會被打　夏蕙BB：快些將香港變回和平福地

非常關心香港的黃夏蕙，雖然近日身在美國登台，但仍緊貼香港新聞。即將於8月3日返港的夏蕙BB，為屆時回香港所穿的衣物顏色感煩惱：「著衫啲顏色配搭都好大件事，揀錯色就等於生死一線。」

被網民封為「夏蕙BB」的黃夏蕙，雖然常被指以騎呢事件、突出造型搏見報，但夏蕙姨實情非常關心社會時事，敢怒敢言。過去更曾化身美人魚呼籲「守護大嶼」、關心南生圍連環縱火事件、支持反名店霸權、現身碼頭工潮為工人打氣等。

▲ 夏蕙姨曾化身美人魚呼籲守護大嶼反填海。（網上圖片）

近日，身在美國登台的夏蕙姨昨日（7月23日）在其Facebook發文，提及她即將於8月3日獨白返港，不過因為近日於元朗發生的白衣人暴力事件，讓夏蕙衣對返港衣服顏色及個人安全而煩惱：

各位，我好亂！幫下我決定著乜鬼衫返香港。係咁架，我決定8月3日黃昏6點一個人返香港.....但係而家係香港地，著衫啲顏色配搭都好大件事，揀錯色就等於生死一線，黃同藍就已經唔著得啦！依家黑同白又唔著得！

夏蕙姨及後又提到，指若果覺得她怕死，大可以叫她同行的丈夫潘Sir（潘炳烈）護送她返港，但夏蕙姨大膽直言：「唉！你地就知啦！佢舊陣時係做差佬，點信得過呀.....所以我有個提議，黑底白花既衫，應該安全啦！係唔係？」

▲ 黃夏蕙早前因為身在美國而缺席好友祥嫂的喪禮。（經濟日報圖片）

接著寫道：「其實您地應該知道我講乜！更加知道良知同人性慨分別！依家唔係60年代呀，若要人不知，唔好太白痴，好唔好？快D將香港變番和平福地，等我返得安心D。仲有，呢個期間唔咳唔好再係任何群組，上崗上線咁轉發任何一方既短片同聲音呀！我係老人家，只係想世界和平，開開心心！無興趣火上加油！」

有網民提議她穿黑白間條衫回港，同時不少網民留言讚好夏蕙姨的直率，高呼她是女神同時讚她可愛，夏蕙姨亦有回應網民：「真係咁可愛咩？」